এই পৃষ্ঠাটোৰ বৈধকৰণ হৈছে
জুৰণি
সুমাবৰ আগলিত চাকিৰ কঁপনি।
এৰোঁতে জীৱনে দেহা চকু-পিৰিকনি।
বিদায়ৰ পিচলই বেঁকা চাহনিটি;
জেউতিৰ জালি কাটি আছে ফুটি ফুটি।
—০—
পাচত।
ছয়াঁ চাই ৰং পোৱা মধু বয়সত,
পাঙিছিলোঁ, বৰ হলে, নানো অভ্যাসত।
এতিয়া দেখিছোঁ দেখোঁ, তাতেই হে ধৰোঁ;
দেহা গল, আছে ছয়াঁ, স্মৃতি পূজা কৰোঁ।
—০—
নেদেখাত।
দেখি থকা চিনা ৰূপ আছিল আগতে,
লগা নাই এনে দৰে, মন-প্ৰাণ সতে!
ৰিণিকি ৰিণিকি দেখা দূৰণিত আগে,
আহে আন, সিটি ৰূপ দেখোঁ দেখোঁ লাগে।
—০—
বুজন কালত।
জোনৰ তুলসী-ছাঁত মৃগ-পহু-চৰা,
চাইছিলোঁ হেঁপাহেৰে মন-প্ৰাণ-হৰা;
৭০০