পৃষ্ঠা:জিলিকনি-আনন্দচন্দ্ৰ আগৰৱালা.pdf/৬৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
( ৫৮ )
 

৩০

সবাকে সমান দেখে সাধু মহাজনে,
নিগুৰ্ণীকো কৰে সুখী দয়া বিতৰণে;
তাৰ সাক্ষী চোৱাঁ হেৰাঁ, জোনৰ পোহৰ
পোহৰাই সৰু-বৰ সকলোৰে ঘৰ।

৩১

ই মোৰ আপোন আৰু ই যে মোৰ পৰ,
এনে ভেদ-ভাব ক্ষুদ্ৰমতি মানুহৰ;
উদাৰ চৰিত্ৰ যাৰ, ধৰমী যিজন,
পৃথিবীৰ সকলোটি তেওঁৰ আপোন।

৩২

সকলো কামতে যাৰ অদম্য উদ্যম,
সাহ, বল, বুদ্ধি আৰু ধৈৰ্য্য, পৰাক্ৰম,
উছাহ-শকতি যাৰ আছে এই ছয়,
কামত কৃতীত্ব তেওঁ লভিব নিশ্চয়।

———