পৃষ্ঠা:জিলিকনি-আনন্দচন্দ্ৰ আগৰৱালা.pdf/৬৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
( ৫৭ )
 

২৬

হাতৰ ভূষণ দান জানিবা ঠাৱৰ,
কণ্ঠৰ ভূষণ বাক্য সত্য মনোহৰ;
কাণৰ ভূষন ধৰ্ম্ম-শাস্ত্ৰৰ শ্ৰৱণ,
অন্য গহনাত কোৱাঁ, কিবা প্ৰয়োজন?

২৭

নদমালে ইন্দ্ৰিয়ক নিশ্চয় বিপদ,
ইন্দ্ৰিয়ৰ সংযমত মিলিব সম্পদ;
অন্তৰাত্মা বিবেকৰ মুখেদি ঈশ্বৰে,
যি আদেশ দিয়ে তাক পালিব সত্বৰে।

২৮

ফলৱন্ত গাছ নমে ফলৰ ভৰত,
গুণবন্ত নম্ৰ হয় নিজৰ গুণত;
শুকান কাঠৰ দৰে নিগুৰ্ণী যে হয়,
ভাঙ্গিলেও সতৰাই ভিৰকে নলয়।

২৯

 সকলো ধৰ্ম্মৰ সাৰ আৱশ্যে শুনিব,
 শুনি তাক হৃদয়ত ধাৰণ কৰিবা;
 নকৰা আনৰ প্ৰতি এনে ব্যবহাৰ,
 অন্যে যি কৰিলে তুমি পাবাহে বেজাৰ।