পৃষ্ঠা:জিলিকনি-আনন্দচন্দ্ৰ আগৰৱালা.pdf/৬১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

( ৫৩ )

১০

পিতা মাতা দুয়ো শত্ৰু বুলি নিন্দা পায়,
নিজৰ লৰাক বিদ্যা যদি নিশিকায়;
নোশোভে নিৰ্গুণী পুত্ৰ গুণী-সমাজত,
যেনুৱা অশোভা বক হাঁহৰ মাজত।

১১

প্ৰিয়তম বস্তু যেনে জীৱন নিজৰ,
জানিবা জীৱন তেনে সকলো জীৱৰ;
সকলো জীৱক ভাবি নিজৰ নিচিনা,
সকলোৰে প্ৰতি সদা কৰিবা কৰুণা।

১২

এলাহ পৰম শত্ৰু জানিবা দেহৰ,
যাৰ পৰা সৰ্ব্বনাশ হয় মানুহৰ;
উদ্যমৰ দৰে বন্ধু নাই জগতত,
কেওঁ কতো অৱসন্ন নহয় যিহত।

১৩

 ঋণশেষ, অগ্নিশেষ আৰু ব্যাধিশেষ,
 কৰিৱা ইতিনি শেষ নাৰাখিবা লেশ;
 ৰাখা যদি লেশমাত্ৰ বাকী ইসৱৰ,
 ক্ৰমে ক্ৰমে বাঢ়ি যাব জানিবা ঠাৱৰ।