এই পৃষ্ঠাটোৰ বৈধকৰণ হৈছে
( ৪২ )
২
দশোদিশ যুৰি জয় জয় হক,
ৰজাৰ গৌৰৱ মহিমা বাঢ়ক,
সুজ্ঞান সুবুদ্ধি মনত দিয়ক,
বিপদ-বিঘিনি উৰাই নিয়ক,
ৰাজ্য সুশাসন শান্তিৰে কৰক,
ঈশ্বৰে ৰজাক কুশলে ৰাখক।
৩
ৰজাৰো যে ৰজা সৰ্ব্বশক্তিমন্ত,
অব্যক্ত ঈশ্বৰ প্ৰভু ভগৱন্ত,
আবৰি সাৱৰি ডৌকাৰ আঁৰত,
ৰাখক তেৱেঁই ৰজাক সুখত;
ন্যায়, ধৰ্ম্ম, নীতি, ৰাজ্যত বাঢ়ক
ঈশ্বৰে ৰজাক কুশলে ৰাখক।
৪
সুপ্ৰসন্ন হই ৰজাৰ ওপৰ,
দিয়ক ঈশ্বৰে এই শুভ বৰ,
সসাগৰা ৰাজ্য শান্তিময় হক,
জ্ঞানৰ পোহৰ ৰাজ্যত পৰক
পূৰুবে পচিমে সকলো প্ৰজাৰ,
ৰাজ-ভক্তি ভৰা প্ৰাৰ্থনা হিয়াৰ,
