এই পৃষ্ঠাটোৰ বৈধকৰণ হৈছে
( ৪১ )
নাকান্দিবা আই বীণা তুলি লোৱাঁ,
জাতীয় সঙ্গীত ঝঙ্কাৰত গোৱাঁ।
দুখৰ দীঘল ৰাতিটি পুৱাব,
পুৱাৰ সোণালী কিৰণ ওলাব।
নতুন তেজেৰে গাত বল পাই,
উঠিব তোমাৰ সন্তান দুনাই।
জাগিব বীণৰ শুনি এই তান,
নতুন উছাহে তোমাৰ সন্তান।
———
ঈশ্বৰে ৰজাক কুশলে ৰাখক।
(GOD SAVE THE KING.)
১
ঈশ্বৰে ৰজাক কুশলে ৰাখক,
আমাৰ সম্ৰাট ভাৰতেশ্বৰক,
দিয়ক দীৰ্ঘায়ু ৰাজাধিৰাজক,
প্ৰজাৰ কল্যাণ সততে সাধক,
বহু দিন ৰাজ্য সুখেৰে কৰক,
ঈশ্বৰে ৰজাক কুশলে ৰাখক।