এই পৃষ্ঠাটোৰ বৈধকৰণ হৈছে
( ৩৩ )
কেতিয়াবা হব পাৰে, কোনো দুৰ্ভগীয়া নৰে
জীৱন-সমুদ্ৰ মাজে নাও বুৰ গই
অঠাই পানীত পৰি, কক্ বক্ কৰি কৰি,
ঢউৰ কোবত যদি আহি পাৰ পাই,
দেখি সেই খোজবোৰ, হব তাৰ আশা ঘোৰ,
সাহ কৰি খোজে খোজে খোজ লব পাৰে।
তেনেহলে বলা ভাই, শুবৰ সকাম নাই,
অপূৰ্ব্ব জেউতি চোৱা উন্নতিৰ শিৰে।
শিকাঁ সবে পৰিশ্ৰম, শিকাঁ হে নীতি-ধৰম,
নাভাবিবা সুখ-দুখ কিনো কপালত;
কৰ্ত্তব্যৰ পাছে লৰা, ক্ৰমাগত কাম কৰাঁ,
ফলাফল ফলদাতা বিভুৰ হাতত।
—————