এই পৃষ্ঠাটোৰ বৈধকৰণ হৈছে
( ৩২ )
৮
এলাহ-নিহালি থোৱা, বীৰ-বেশ গাত লোৱাঁ
নহবা মৰাৰ প্ৰায় জ্ঞানৰ সন্তান;
নহবা গৰুৰ দৰে, খুঁচিলেহে খোজ ধৰে,
ৰণত বীৰেন্দ্ৰ বুলি হোৱাঁ খ্যাতিমান।
৯
কল্পনা-চকুৰে চাই, যেনেকি সুন্দৰ পাই
নকৰিবা দূৰ ভবিষ্যক পতিয়ন;
অতীত মৰিল গল, তাৰ কথা অন্ত হল,
মনৰ পৰাই তাক কৰাঁ বিসৰ্জ্জন।
৯
যিহকে আগত পোৱা, ততালিকে কৰি যোৱাঁ
জীৱন্ত জাগ্ৰত বৰ্ত্তমান সময়ত;
সাহক সাৰথি কৰাঁ, কৰ্ত্তব্যৰ পাছে লৰা,
ঈশ্বৰ কৰুণাময় আছে ওপৰত।
১০
মহা মহা পুৰুষৰ, চানেকিৰে জীৱনৰ,
আমিও কৰিব পাৰোঁ জীৱন গঢ়িত;
অভিনয় শেষ হলে আয়ু-বেলি মাৰ গলে,
থই যাব পাৰোঁ খোজ সময়-বালিত।