এই পৃষ্ঠাটোৰ বৈধকৰণ হৈছে
( ৩১ )
৪
চকু কাণ নাক যাব, হাড় ছাল নাশ পাব,
মাটিৰ মানুহ তুমি মাটিত মিলিবা;
অবিনাশী নিত্য ধন, অমৰণ অভগন,
অনন্ত উন্নতিশীল আতমা জানিবা!
৫
সদাই চকু-লো টোকা, দুখত মগন-থকা,
ভোগ-সুখ জীৱনৰ উদ্দেশ্য নহয়;
এনে ভাৱে কাম কৰাঁ, দিনে যেন আগ বাঢ়াঁ
প্ৰতি দিনে খোজ যেন আগলৈহে যায়।
৬
পল পল দণ্ড কৰি, সময় গইছে উৰি,
পাখি-লগা কাঁড়ৰ নিচিনা অবিৰাম;
বহু দূৰ আছে গতি, সময় তাকৰ অতি,
কৰিব লগীয়া আমি আছে বহু কাম।
৭
দিন যায়, আহে ৰাতি, আয়ুষ গইছে টুটি
লাহে লাহে চমু চাপি আহিছে মৰণ;
সংসাৰ যুজৰ ঠাই, শুবৰ সকাম নাই,
কাচি-পাৰি যুজাঁ সবে কৰি প্ৰাণপণ।
