পৃষ্ঠা:জিলিকনি-আনন্দচন্দ্ৰ আগৰৱালা.pdf/১৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
(৫)

ঘৰ-বাৰী মচি গৰু-গা ধুৱাই
 নতুন কাপোৰ লই,
নতুন ভোজেৰে ৰঙ্গালী বিহুত
( মানুহে) আদৰি আনিছে গই।

স্বৰগ, মৰত, প্ৰকৃতি, মানুহ,
 সকলো আনন্দময়,
মেঘে মেঘে মিলি সাবটা-সাবটি,
 জগৎ কবিতাময়।

১০

চাওঁতে চাওঁতে পল পল কৰি
 দ্বাদশে* মেলানি ললে,
সৰিৎ, সাগৰ, আকাশ, পৃথিবী,
 বিদায়-সঙ্গীত গালে।

১১

চাওঁতে চাওঁতে এখোজ বঢ়ালোঁ
 মৰণ-দেশৰ পিনে,
জীৱন-বুৰঞ্জী মেলি এবে চোঁৱা
 হাৰিল জিকিল কোনে।


* দ্বাদশে—১৮১২ শকে।