এই পৃষ্ঠাটোৰ বৈধকৰণ হৈছে
৯৩
উবুৰিয়াই থোৱা,
অধুনা-প্ৰযুক্তি বিজ্ঞানৰ স্নেহ বঞ্চিত
বক্ৰপথি সংস্কৃতিবোৰ
উবুৰিয়াই থোৱা।
ওলোমাই থোৱা
ইতিহাসৰ পাতত ৰঞ্জিত
ফুলাদৰ্শ-কৰ্মাদৰ্শক
গতি পথৰ দুৱাৰত
ওলোমাই থোৱা।
এতিয়া মই ঠিকনাবিহীন
সুন্দৰ পাৰাৰ আছিলোঁ ময়েই ঠিকনা
লোকসমাজত মই লোকগীত,
কাব্য জগতত কবি।
মোৰ নামৰ লগত থকা ‘সুন্দৰপাৰা’ই
মোৰ চিঠিখন কঢ়িয়াই আনিবলৈ
যথেষ্ট ঠিকনা।
এতিয়া সুন্দৰপাৰা
শুকান এৰাগুটিৰ দৰে সিঁচৰিত।
পিতা-পুত্ৰ-খুৰা ভতিজাবোৰ
ফাঁটি বিস্তৃত হোৱা বৃহৎ বননি।
বননিত জুপুৰি, অট্টালিকা
বহুতো দোকান, বহুতো ক্লাব
বহুতো পূজাৰ থলি-
