এই পৃষ্ঠাটোৰ বৈধকৰণ হৈছে
৮৬
চকুৰ দৃষ্টি জাক-চৰাইৰ ধৰালৈ
জানোচা মানুহৰ কোনো সঁহাৰিকে পায়,
পেটত ভোক লৈ আহাৰ সন্ধানী সিহঁত
বিয়াঘৰ দেখিলেই উৰুলি দিয়া।
আনমনা মানুহৰ মতিগতি দেখা পাই
ধৰালৈ নামি আহি ধাননিত লুকুৱাই
পথাৰৰ পকা ধান উচনে হেলাৰঙে
দেখিছে সকলো মানুহ ৰঙতে বলিয়া।
দৃষ্টি আনিলে যেতিয়া উদং পথাৰে
দেখিলে ভঁৰালোচোন নিজৰ দেউলীয়া
সৱে মিলি হুৰহুৰাই খেদি গ'ল পথাৰলৈ
(আৰু) ৰংমনে উৰি গুচি গ'ল চৰাই হালধীয়া।
মহাশক্তিধাৰী কৰ’না মই মহাকাল
মই কৰ'না,
সুষম সৃষ্টিক বিনাশী,
অহং ভাৱত মত্ত শ্ৰেষ্ঠতাৰ
ভাওনা পতা জীৱ মানৱক
বিনাশ কৰিব পৰা মই
কৰ’না নামধাৰী অদৃশ্য মহাকাল।
মোৰ স্পৰ্শলৈ অহাৰ
অহোপুৰুষাৰ্থও তোমাৰ
অহং ভাৱৰে অংশ বিশেষ
য'ত মাথোঁ লগ পাবা
তোমাৰ আত্ম-ধ্বংসৰ সংগ।
