পৃষ্ঠা:জলকীয়াৰ পুনৰ্জীৱন অভিযান আৰু অন্যান্য.pdf/৮৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৮৪

 কেতিয়াবা শিলৰ ফাঁকত জমি
 মলিনতা সাৱতা পানীৰ দুখ।
 কেতিয়াবা জনস্ৰোতত ক্লান্ত হোৱা শিলৰ দুখ
 কেতিয়াবা ঠেকা-ঠেকিত ক্ষয় হোৱা শিলৰ দুখ।
দুখ দুখ দুখ মাথোঁ দুখৰ বহন
দুখৰ গতিধাৰাৰ হয় ভৈয়ামত সমাপন।
দুখৰ পচনত হয় ভৈয়ামৰ ভূমি উৰ্বৰ
উৰ্বৰতাত জাগৰিত সোণোৱালী শইচৰ।
 শইচৰ অনুভৱী ভটিয়নী সোঁতে কয়
 দুখৰ কণিকা বুলি সুখৰ জুলিহে বয়
 অনুতাপী জুলিয়ে কয় ’হয়’;
 হয়, সেয়াহে সঁচা হয়।


নমামি ব্ৰহ্মপুত্ৰ

তোমাৰ বুকুৱেদি উজনি সোঁতেৰে গঙ্গাই
প্ৰৱেশালে অসমীৰ মৰমী ধৰাত,
নতুন এটি পৰ শব্দ নাম ‘নমামি’
নমস্য,নমস্কাৰ, প্ৰণামাদি আপোন ধ্বনিয়ে
হেৰুৱালে তোমাতে থাউনি।
 যুগে যুগে তোমাৰ ভটিয়নী সোঁতে
 কত সহস্ৰজনৰ ললে প্ৰাণ,
 কত সহস্ৰজনে প্ৰতিদিনে-প্ৰতিপলে