পৃষ্ঠা:জলকীয়াৰ পুনৰ্জীৱন অভিযান আৰু অন্যান্য.pdf/৮৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৮১

অতীত স্মৃতি

অতীতৰ স্মৃতি বাস্তৱ নহ'ব পাৰে
অতীতৰ স্মৃতিয়ে আমৃত্যু সৌধ গঢ়ে
 অতীত স্মৃতিয়ে আনে দেহ-মনলৈ উদ্যম
 অতীত স্মৃতিয়ে ফুলায় হৃদয়ত উদ্যান।
অতীত স্মৃতিয়ে দিয়ে প্ৰতিদিন মধুফল
অতীত স্মৃতিয়ে দিয়ে উদ্দীপণা প্ৰতিপল
 অতীত স্মৃতি নিঃসঙ্গতাৰ একান্ত সংগ,
 অতীত স্মৃতি নিষ্কলুষ-নিৰাকাৰ সত্যৰ অংগ।
অতীত স্মৃতিৰ নাই অভিশাপ, নকৰে প্ৰতাৰণা,
অতীত স্মৃতিয়ে ৰাখে আঁকোৱালি চিৰ সমানতা।

দুখৰ আনন্দ মেলা

হৃদয়ত দুখ-বেদনাৰ
অপাৰ আনন্দ মেলা।
 মোৰ নিঃসঙ্গতা, বাক-ৰুদ্ধতা
 বেদনাৰ অন্তহীন হৰ্ষোল্লাস।
এলাহত মৰহা লঘোণীয়া পেটত
সিহঁতৰ উল্লাসৰ বনভোজ।
 ৰোগ-শোকত জৰাজীৰ্ণ
 মোৰ মনৰ মঞ্চখনত
 সিহঁতৰ দানৱীয় অট্টহাঁস্য।