পৃষ্ঠা:জলকীয়াৰ পুনৰ্জীৱন অভিযান আৰু অন্যান্য.pdf/৭৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৭৪

তোমাৰ হৃদয়ে নকয়, নোৱাৰে ক'ব
বলি দিবলৈ তোমাৰ আত্মসৃষ্ট অপকৰ্ম,
হিংসা-দ্বেষ, ক্ষমতা লিপ্সা, কামনা বাসনা-
আৰু কত শত তোমাৰ পালিত অপগুণ
যাৰ বলত বলিয়ান তুমি চিৰদিন চিৰকাল।
 তোমাৰ ক্ষমতাও অসীম।
 নিৰীহ-নিষ্পাপ, নিৰ্বাক পক্ষী-পশুক
 বলি দি আত্মতুষ্টি লভা দেৱীৰ নামত
 জ্ঞান আৰু শক্তিৰ পৰিচয় প্ৰদায়ক’
 মেলা পাতি আনন্দ নিজে লভিব পৰা
 অপাৰ ক্ষমতাধাৰী তুমি মহাশক্তি।
তোমাৰ জীৱিত কালত
তোমাক পৰাজিত কৰিবলৈ মই ভগৱান
তোমাৰ হাস্যস্পদভাৱে শকতিবিহীন।
তোমাৰ মৃতুৰান্তত তুমি শক্তিহীন হ'লে কিন্তু
জাগ্ৰত হয় মোৰ অদেখা শকতি
তোমাৰ দৰেই তোমাক বলি দিবলৈ।
 নিশ্চিতভাৱে মোৰ বলি অদৃশ্যমান
 তোমাৰ দৰে পাপী শক্তিসৱৰ।
মোৰ বলি নহয় তোমাৰ লেখিয়া
নিৰ্বাক, অবোধ, নিষ্পাপ, নিৰীহ জীৱৰ
মোৰ বলি পাপী, অহংকাৰী সবাক লোকৰ।
তাতেই মাথোঁ অন্তৰ তোমাৰ আৰু মোৰ।