এই পৃষ্ঠাটোৰ বৈধকৰণ হৈছে
৭২
উজনি নামনি, পাহাৰ-ভৈয়াম
হ’ব যেন বৈকুণ্ঠ ধাম।
বাৰী পদূলি, গৃহে পথাৰে
চলিব পোহৰৰ মেলা
ফটকা-ফুলজাৰি সবতে জ্বলিব
খেলিব আনন্দৰ খেলা।
দুৰ্নীতি-দুষ্কৃতি নাশিবলে’ বুলি
লগে-ভাগে আহে আই কালী
আন্ধাৰ বিনাশী পোহৰ বিলাবলৈ
পাতিব মহাৰণৰে চালি।
শগুণৰ উৰণ
ৰং-বিৰঙী চিলাবোৰে
উৰি থকা শগুণবোৰক
খেদিলে পৰ্বত শীষৰলৈ।
মধ্যম বতাহ বলিছে।
ঘামত জুৰুলা মানুহবোৰৰ
শৰীৰ শীতল পৰিছে;
ওঁঠত হাঁহি বিৰিঙিছে
দেহত আনন্দই পাৰ ভাঙিছে।
মধ্যম বতাহ ধুমুহা হ’ব নেকি?
