এই পৃষ্ঠাটোৰ বৈধকৰণ হৈছে
৬৮
তুমি যদি অসমীয়া
তুমি যদি অসমীয়া
হাড়ে হিমজুৱে অসমীয়া হোৱা।
অসমীয়াইহে অসমীয়াৰ হয় সমনীয়া
ভাষাই কৰিছে মাথোঁ লিপি অসমীয়া।
নাজানা যদি তুমি কৰিব মুদ্ৰালেখন
তথাপি নল’বা মানি ইংৰাজী লিপিৰ শোষণ।
পৰ ৰূপ কৃষ্টিত নাযাবা ভোল সতকাই
অৰ্ধ জানি বা নাজানি নবকিবা আবোল-তাবোল
অনুভৱ কৰা মাথোঁ নিজ মিঠা মাতৃভাষাৰ মোল।
কবিতাৰে পায়স ৰান্ধিছিল
তাই ভাবৰ দুগ্ধত শব্দৰ চাউলেৰে
এচৰু কবিতাৰ পায়স ৰান্ধিছিল।
তাই কাকত-আখাত কবিতাৰ পাত্ৰ বহাই
কলম-হেঁতাদালেৰে আছিল লৰাই লৰাই।
তাইৰ কল্পনাৰ প্ৰচণ্ড অগ্নিশিখাৰ তাপত
ভমভমাই উতলি উঠিছিল দুগ্ধ পৰমান্ন।
শব্দ-মায়াৰ কল্পচিত্ৰ বোলাইছিল পৰমান্ন নামেৰে
কিচমিচ বাদাম-নাৰিকলৰ সমাহাৰ ঘটাইছিল তাই
