পৃষ্ঠা:জয়মতী.pdf/৯১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


চতুৰ্থ গৰ্ভাঙ্ক।
বন্দীশাল।
(জয়মতী বন্দী-অৱস্থাত; পালী-পহৰীয়াৰ টোপনি )

জয়া।— সহিলোঁ এপষ,
 নিতে নৱ শাস্তি যত।
 ভাবোঁ নিতে এৰোঁ দেহা সামৰি অপায়;
 কিন্তু কিযে আশাধাৰী হুতাশীন প্ৰাণ,
 নোৱাৰে ওলাব বাজ, দেহ-সজা এৰি!
 সহিছোঁ যতেকমানে মনৰ বলত;
 দেহাই ধৰিছে মাথোঁ শাস্তিৰ বিধান।
 (উত্ৰাৱলভাৱে গদাপাণিৰ প্ৰৱেশ)

গদা।— (জয়মতীক সাবটি ধৰি) কিয় প্ৰাণেশ্বৰি।
 নিদিয়াঁ সন্ধান মোৰ? কিয় অকাৰণ।
 সহিছাঁ অতনা ক্লেশ। দিওঁ মোকলাই;
 আহাঁ প্ৰিয়া, ঘুৰি যাওঁ নিজ ঘৰলই।
 ⸺অকলে জিনিম ৰজা। (জয়াৰ বান্ধ মেলাবলৈ ধৰে)

জয়া।—ইকি। প্ৰাণেশ্বৰ।
 কিয় পাহৰিলা?— কিয় ভাঙ্গা আহি মোৰ,
 জীৱনৰ মহাব্ৰত পাহৰি উদ্দেশ্য?