পৃষ্ঠা:জয়মতী.pdf/৭৭

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


৪। অঙ্ক।
প্ৰথম গৰ্ভাঙ্ক।

নগাপৰ্ব্বতৰ নামনি।
(দুটা পাণ-বেপাৰী।)

১ম, বেপাৰী।—ধৰম? তোৰ পাণ কি দৰে সলাবি?

২য়, বেপাৰী।—এৰা, সলাব লাগে এটা দৰত। তেও বুলি, গুছিত
 একঠাকৈ চাউল নাপাম জানো?

১ম, বেপাৰী।—মই হলে কানিলৈ হে সলাম বুপাই! এই বছৰ আৰু
 আফুখেতিত হাতকে লগাব নোৱাৰিলোঁ। লৰাটোৰ
 নৰিয়া। ৰজাৰ ঘৰত দুটাৰ হৈ খাটিব লগা হল।
 খেতিলৈ আৰু সময় পাওঁ কেতিয়া!

২য়, বে:।—এৰা, নৰিয়াৰ বাবটো এৰিব লাগিছিল।

১ম, বে:।— এ, নকবি, মোৰ কুটুম! আজি-কালি যিহে অইনাই-
 অধৰমৰ দিন পৰিছে, জীৱন ধৰাই টান হৈছে।

২য়, বে:।— সঁচা কৈছ ককাইটি। গদাকোৱঁৰৰ ঘৈণী আইদেউ
 লৈকে নাচাৱ কিয়? আমি কোন কুটা!

(নগাবেশী গদাপাণি লাহে লাহে ওচৰ চাপে)

১ম, বে:।— নকবি, নকবি মোৰ বুপাই! মানুহ গৰাকীৰ বিলাই দেখি
 পানীত হাঁহ নচৰা হৈছে ঐ!