পৃষ্ঠা:জয়মতী.pdf/৭৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১৬৬
জয়মতী।

পদ্মা।— (উতলা হৈ) সখি, মোৰ ৰাখাঁ প্ৰাণ
 যাওঁ ভেলা ঘূৰি!

জয়া।— (ডিঙ্গিত ধৰি কান্দি) নিয়া প্ৰাণ, সখি মোৰ,
 নামমাত্ৰ থাকোঁ পৰি মাটি-দেহা মাথোঁ
 বাগৰি মাটিত।

ৰাজমাও।— নহবাঁ উতলা দুয়ে,
 বিপদ বঢ়াই। আহোঁ বাছা, হোৱাঁ স্থিৰ,
 নকৰিবাঁ খেদ। সহিবাঁ পৃথিবী হই।

জয়া।— সখি মোৰ!⸺ (কণ্ঠৰোধ)।

পদ্মা।—প্ৰাণসখি!⸺ (কণ্ঠৰোধ)

(চকুলো টুকি টুকি ৰাজমাও আৰু পদ্মাৰ প্ৰস্থান)
(জয়মতীৰ মূৰ্ছা)

অঙ্কপাত।