পৃষ্ঠা:জয়মতী.pdf/৬৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
দ্বিতীয় গৰ্ভাঙ্ক।
জেৰেঙা পথাৰ।
( জয়মতী আৰু চাওদাংবৰ্গ)

জয়মতী।- (বন্ধা অৱস্থাত) শক্তিদাতা ভগৱন্ত!
 অসহন নিৰ্য্যাতন সহিবৰ গুণে,
 দিছাঁ শক্তি শৰীৰত;- দিয়াঁ একে শক্তি
 এবে এই হৃদয়ত সহোঁ একে দৰে
 লাঞ্ছনা অশেষ। ভাবিছে দুৰ্ম্মতি ৰাজে,
 পাশৱ পীড়ন কৰিব দুৰ্ব্বল মোক,
 বলেৰে কৰাব মান্তি, সই লবলই,
 নাজনি সতীৰ প্ৰাণ পতিপ্ৰাণা বুলি!—
 জনা নাই, হিয়া এই সবল কিমান।
 সহনৰ শক্তি যে কিমান।— শক্তি নাই
 ভাবিবৰ তাৰ।

১ম, চাওদাং।—সেইবোৰ যে বলকিব পাৰাঁ, আমি সোধা কথানো কেলেই
 কব নোৱাৰাঁ। তাকে কৈ দিলেইচোন ৰইখা পোৱাঁ।

২য়, চাওদাং।—ওঁ , ময়ো তাকে কওঁ। এওঁ কিন্তু নিজৰ কথাটোকে হে
 ধৰি থাকে।