এই পৃষ্ঠাটোৰ বৈধকৰণ হৈছে
১৫২
জয়মতী।
পদ্মা।—নোহোৱাঁ সদয় তেন্তে?
বৰুৱা।— বুজিও, নুবুজি
অবুজ গাভৰুদেৱ, কিয় হোৱাঁ তুমি।
পদ্মা।— বুজিছোঁ বৰুৱাদেৱ,
—নামানে পৰাণে!
বৰুৱা।—নকৰাঁ আমনি আৰু;
তোমাকে মাতিছোঁ।
পদ্মা।—( চকুলো টুকি) নকৰোঁ আমনি।
বলাঁ ঘুৰি পোনাহঁত নিমিলে সাক্ষাৎ!
আহিনী লগত দুয়ে যোৱাঁ ঘৰলই।
ৰাজমাও-টোল মই ঘূৰি আহোঁগই,
ৰাজ-আজ্ঞা দিহা কৰি। (পদ্মাৰ প্ৰস্থান)
আহিনী।— (কান্দি কান্দি) আহাঁ, পোনাহঁত!
লেচা।— নেদেখিলোঁ আইতাক? (কান্দে)
আহিনী।— আহ, পোনা দুটি অই।
দেখিবাঁ পাচত। (প্ৰস্থান)
বৰুৱা।— ( ক্ষন্তেক নিটাল মাৰি) যাওঁ ময়ো,
কৰোঁগই শস্তিৰ বিধান।
ভাগ্যত পৰিছে এনে নিদাৰুণ কাম! (প্ৰস্থান)
