পৃষ্ঠা:জয়মতী.pdf/৫৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


৩। অংক।
প্ৰথম গৰ্ভাঙ্ক।
বন্দীশালৰ দুৱাৰমুখ।
(চাওদাং-বৰুৱা)

বৰুৱা।— পমিছে কঠুৱা মন,
 কিয় আজি মোৰ? কিয় হেন কান্দে প্ৰাণে,—
 বিদৰে ই হিয়া? পীড়িছিলোঁ কত জনা
 নিকৰুণ ভাৱে, বধিলোঁ কতনা আৰু;
 টলা নাই মই কদাপি ইদৰে আগে,
 কৰ্ত্তব্য পাহৰি!
 (পদ্মা, আহিনী, লাই-লেচাইৰ প্ৰৱেশ )

পদ্মা।— সম্ভাষোঁ বৰুৱাদেৱ!

বৰুৱা।— কোন বা গাভৰু?

পদ্মা।— গোহাঞি-গাভৰু মই,
 পদ্মাৱতী নাম। মন্ত্ৰীৰ জীয়াৰী, আৰু
 জয়মতী-প্ৰাণসখী।