পৃষ্ঠা:জয়মতী.pdf/৩৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


দ্বিতীয় গৰ্ভাঙ্ক।
মন্ত্ৰণা-চ’ৰা।
( ৰজা আৰু বুঢ়াগোহাঞি ডাঙ্গৰীয়া )

ৰজা।— সাদিনৰ অন্ত মন্ত্ৰি, চাপিল ওচৰ।

বু: গো:।— চাপিছে আমাৰো কাম;
 আজি-কালিতেই হব ফলোদয়।

ৰজা।—কিবা হল আয়োজন?

বু: গো:।— গইছে এদল সেনা, আজি পুৱাতেই।
 ঘূৰিব আবেলি।

ৰজা।—ঘূৰিব গদাক সই?
 (দুৱৰীৰ প্ৰৱেশ)

দুৱৰী।— স্বৰ্গদেৱ।
 দুৱাৰত দূত উপস্থিত।

বু: গো:।— ঘুৰি গই,
 মাতি আন সত্বৰে ইঠাঁই।

দুৱৰী।— যিবা আজ্ঞা, দেউতা ঈশ্বৰ।
 ( দুৱৰীৰ প্ৰস্থান)

ৰজা।— কিবা অৰ্থে?

বু: গো:।— আনিছে বাতৰি জানো,
 আলচা কথাৰ।