পৃষ্ঠা:জয়মতী.pdf/৩৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১২৩
জয়মতী

সেনাদল।— বল, বল, লৰি বলহঁক। পামগৈ লগ।

(সেনাদলৰ বেগেৰে প্ৰস্থান)

বগী।—(অকলে) ভাল আজি ঈস্পৰেহে ৰইখা কৰিলে! অতবোৰ ৰণুৱাৰ আগত কোঁৱৰে অকলে কি কৰিলেহেঁতেন! দেহিঐ, কোন্ বিধতাই নো ৰইখা কৰিব আকৌ? ইয়াত সৰহ দিন থকাটো হলে মই ভাল নেদেখিছোঁ। কোনোবা-এদিন আহি আন এজাক ৰজাৰ ৰণুৱাই আকৌ পাবহি। ইয়াৰপৰা সোনকালে পঠিয়াই দিয়াই ভাল। পিছে, ভাললৈ চাওঁতে বেয়াটো হে হবগৈ। যাও, দিনে-পোহৰে ৰান্ধি, কোঁৱৰক এসাঁজ ভোক গুচাই খুৱাওঁগৈ। দিনত ওলাবই নোৱাৰে; আজি ৰাতিয়েই গলে হে যোবা।

(প্ৰস্থান)