পৃষ্ঠা:জয়মতী.pdf/২৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
পঞ্চম গর্ভাঙ্ক।
⸻⸻
(গদাপাণি অকলে)

গদা।— মিলিছে সুযােগ অহ,
 মিলিব যুঁজাৰু এবে মনৰ জোখায় !
 পাৰ হল অতকাল ধেমালি যুঁজত,
 নিমিলিল ছেগ ক’তো সঁচা যুঁজলই ;—
 মিছা হল বাহুবল, মিছা গদানাম !
 মিলিছে সুযােগ এবে, অতকাল পিচে,
 সমুখ সংগ্রাম হেতু ৰাজসেনা সতে;⸺
 নিপাতি যতেক বীৰ, সেনা সেনাপতি,
 ৰাজ্য উদ্ধাৰিম।
 ( নীৰৱ )
 মিলিছে সুছেগ অহ,
 পতিত আহােম ৰাজ্য পুনু উখানৰ ।
 পিতৃৰাজ্য ৰসাতলে যায়-যায় আজি!
 স্বার্থপৰ কুলাঙ্গাৰ পাত্ৰ-মন্ত্রী সৱে
 ক্রমাগত নিছে তললই। অৰাজক
 ৰাজ্য আজি হল স্বৰূপত ! নামে মাথোঁ
 ৰাখি ৰজা অপাত্ৰ জনক, যতমানে
 দুৰাচাৰে পাঙ্গি লই দুৰ-অভিসন্ধি,