পৃষ্ঠা:জয়মতী.pdf/১৭

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


তৃতীয় গৰ্ভাঙ্ক।
ৰজাৰ বৰচৰা।
(ৰজা, মন্ত্ৰীসকল আৰু সভাসদবৰ্গ।)

ন্যায়সোধা ফুকন।—কি বুলি বিহিবাঁ দণ্ড, নিৰ্দোষী জনক?
 গদাপাণি অপৰাধী নেদেখোঁ একোতে।

বু: গো:।—ৰাজাজ্ঞা পালন হেতু, দোষৰ বিচাৰ
 নালাগে হে হেৰা!

ফুকন।—কিবা কোৱাঁ ডাঙ্গৰীয়া।
 শাসন-বিধান এৰি, ৰাজাজ্ঞা কি বোলাঁ?

বৰবৰুৱা।— ৰজাৰ মঙ্গল হেতু, নহয় অবিধি;
 নাভাবোঁ অকৰ্ম্ম একো।

বৰপাত্ৰগোহাঞি।—মোৰো সেয়ে মত।
 ৰজাৰ মঙ্গলে জানাঁ, ৰাজ্যৰ মঙ্গল।

বু: গো:।—নামাতিবাঁ হেৰা আৰু; তোমাকে মাতিছোঁ।
 নুতুলিবাঁ আপত্তি বিশেষ। ভাবি-চিন্তি
 দিছোঁ মত, গদাপাণি অঙ্গক্ষত হেতু।

ফুকন।— নধৰিবাঁ মোক।
 নোৱাৰিছোঁ দিব মত। নিৰ্দ্দোষী জনৰ
 অবাবত অঙ্গক্ষত নহয় যুগুত;—
 তাতে গদাপাণি হেন পুৰুষ প্ৰধান,
 লভিছে জনম যি ঘোৰ সমস্যাত
 ৰাজ্যৰ মঙ্গল হেতু।