পৃষ্ঠা:জয়মতী.pdf/১০১

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


দ্বিতীয় গৰ্ভাঙ্ক।
গুৱাহাটী,—খাৰঘুলি।

(নেপথ্যত ৰণোল্লাহ, হিলৈ-ধৰতোপৰ ধ্বনি)
তেজেৰে ৰাঙলি হৈ লাইথেপেনা বৰগোহাঞি ডাঙ্গৰীয়া লগৰীয়া
বিষয়াবৰ্গৰে সৈতে উত্ৰাৱলভাৱে প্ৰৱেশ।

সলাল গোহাঞি।— ধন্য ডাঙ্গৰীয়া!
 ধন্য তৱ বাহুবল, ধন্য বীতেজ,
 ধন্য ৰণ-ৰীতি-বুদ্ধি।

জাগিয়াল গোহাঞি।— নেদেখি আছিলোঁ,
 অহ, অতকাল এনুৱা বীৰত্ব! ভাগ্যে
 আজি দেখিলোঁ সাক্ষাতে।

বহিয়াল বৰুৱা।— শুনিছিলোঁ লোকমুখে।
 ডাঙ্গৰীয়া ৰণঞ্জয় বুলি; পালোঁ আজি
 প্ৰত্যক্ষ প্ৰমাণ।

বৰগোহাঞি ডাঙ্গৰীয়া।— নহওঁ শলাগভাগী
 অকলই মই তোমাসৱ অবিহনে,
 আজিৰ ৰণত, জয়লাভ অৱলাৰ
 নাছিল সম্ভৱ, এনে অনতিপলমে।
 —ধন্য তোমাসৱ।