এই পৃষ্ঠাটোৰ বৈধকৰণ হৈছে
ষোড়শ অধ্যায়
—পুনৰ কামৰূপলৈ আগমন—
কতোদিন চয় আছে দুই ভাই
মহাৰঙ্গে একপ্ৰীতি।
দেখিবে মাতৃক যাইবে টেম্বনিক
মাধৱৰ ভৈল মতি॥ ১
দদা বৌক মাতি লৈয়া অনুমতি
চলিবাক সাজ ভৈল।
নৌকা এক লৈয়া গুৱাভৰা দিয়া
শুভক্ষণে লৰি গৈল॥ ২॥
—মাতৃ মিলন—
পাছে কতোদিন পাইলা টেম্বুৱানি
গৃহত ভৈলা প্ৰৱেশ।
দেখি বুঢ়ী আই গৃহৰ বজাই
আনন্দ পাইলা অশেষ।৷ ৩।৷
বহিনী বৈনাই মার পুল্ৰ তিনি
চাৰি এক থান ভৈলা৷
আনন্দ অপাৰ আগে তা সম্বাৰ
পিতৃৰ মৰণ কৈলা॥ ৪॥
শুনি তিনিজন ভৈলা দুঃখ মন
সবস্ত্ৰে স্নান কৰিলা।
