এই পৃষ্ঠাটোৰ বৈধকৰণ হৈছে
৪৬
[১৪ অ
শ্ৰীশ্ৰীশঙ্কৰদেৱ-মাধৱদেৱ চৰিত
মাধৱদেৱক পিৰা পানী আনি দিলা।
কি ভোজন কৰি আছা বুলিয়া পুছিলা॥
তেহে কহিলন্ত আমি নতু কৰো স্নান।
শুনি আথবেথ কৰি বোলে তৈল আন॥ ৮॥
আপুনি দিলন্ত তৈল শৰীৰত তান।
কৰাইলন্ত তিনিকো জলত শীঘ্ৰে স্নান॥
দিলা লোটা এক তাঙ্ক স্নান কৰিবাক।
ভোগঝাৰি এক দিলা জল ভুঞ্জিবাক॥ ৯॥
কৰাই ভোজন চিড়া কলা দুগ্ধ দধি।
ভোজনৰ শেষে আনি দিল মুখশুদ্ধি॥
ভালবস্ত্ৰ তান শৰীৰত নেদেখিল।
তিনিও জনক দিব্য বস্ত্ৰ আনি দিল॥ ১৩॥
মহা মন সন্তোষে বহিল তিনিজন।
আপুনিয়ো গৈয়া পাছে কৰিলা ভোজন॥
কৰি মুখশুদ্ধি তান পাশে বসিলন্ত।
আনন্দিত মনে মৃদু বাক্য বুলিলন্ত॥ ১১॥
কিনো সুপ্ৰভাত আজি দেখিলোঁ তোমাক।
অপূৰ্ব্ব দৰ্শন বিধি কৰাইলে আমাক॥
কিকাৰণে কৈব হন্তে ঐক আসিলাহা।
আবে দেখোঁ কেন বেশ ধৰি ফুৰাঁহা॥ ১২॥
সমস্ত বৃত্তান্ত বুঢ়া আতা কহিলন্ত।
ঠাই ঠাই যেন যেন দুঃখ লভিলন্ত॥
শুনিয়া ঘাঘৰি মাজি অদভূত মনে।
