এই পৃষ্ঠাটোৰ বৈধকৰণ হৈছে
২৫৬
[ ৫৪ অ
শ্ৰীশ্ৰীশঙ্কৰদেৱ-মাধৱদেৱ চৰিত
তুলি নাম লোৱে দেখি মাধৱে তথাত॥১৭॥
বোলন্ত কিবোলা ওৰা কহিয়োক তুমি।
উৰ্দ্ধবাহু কৰি হৰি বুলিলোহোঁ আমি॥
যাতো ৰামচৰণে শৰণা আছোঁ লই।
তুমি কিয় বুলিলাহা উৰ্দ্ধবাহু হুই॥১৮॥
শুনি মাত বোল নাই গয়া ঠাকুৰৰ।
কৰে কাউ বাউ বাপ কি দিবোঁ উত্তৰ॥
মাধৱদেৱক গুৰু মানি সেহিক্ষণে।
কৃষ্ণৰ অভয়পদে পশিল শৰণে॥১৯॥
আনতো কৰিয়া পাছে বৰ কাষ্ঠা তাৰ৷
আনহন্তে সিটো বৰ বুদ্ধিত উদাৰ॥
আৰো এক টকৰা শৰণ আছে লই।
মাধৱদেৱক তই সহজে বোলয়॥২০॥
—টকৰাৰ সজ আচৰণ—
সমস্তে ভকতে তাঙ্ক বুলিলা চচন।
আতাক বোলস তই শুনি সিটোজন॥
বোলে তেবে কি কহিবো তোৰা কহিয়োক।
তুমি বোল বুলিবি বোলয় ভক্ত লোক॥২১॥
সিটো বোলে ভাল তুমি বুলিবাক যাইবো।
আজি হন্তে তেবে আৰ তই নু বুলিবো॥
এহি বুলি খান দুই ভাৰ কৰিলেক।
মাধৱদেৱক তুমি বুলিবে গৈলেক॥২২॥
