এই পৃষ্ঠাটোৰ বৈধকৰণ হৈছে
৫৪ অ]
২৫৩
শ্ৰীশ্ৰীশঙ্কৰদেৱ-মাধৱদেৱ চৰিত
কলিৰ বুঢ়া নামে অনেক আছয়।
মাধৱদেৱৰ থানে ন যাই দুৰাশয়॥১॥
নতু কৰে নমস্কাৰ মাধৱদেৱক।
নতু ভজে সিটোজনে ঈশ্বৰ কৃষ্ণক॥
গৈলন্ত মাধৱদেৱ ভৱানী পুৰক।
পড়িল নাপৰা সিটো সেহি সময়ত॥২॥
দিন আঠ দশমান অন্তৰ ভৈলেক।
ভাটি বেলা ভৈলে সিটো জন মৰিলেক॥
দেখি ইষ্ট বন্ধু সবে পান্টি মেহ্ৰাইলেক।
বুকে বাঁশ দিয়া তিনি ঠাই বান্ধিলেক॥৩॥
পুড়িবেক নিবে লাগি কান্ধত তুলিল।
পান্টিৰ ভিতৰ হন্তে বচন বুলিল॥
আসিল মাধৱদেৱ লৈয়া চলা মোক।
মৰা শৱে মাতয় বিস্ময় ভৈল লোক॥৪॥
আথবেথ কৰি বান্ধ মেলি পুছে তাত।
আতা আসিলন্ত তই শুনিলি কাহাঁত॥
লৈয়া চলা মোক শীঘ্ৰে আতাৰ তথাত।
কহিবোহোঁ শুনিবাহা শুনিলো যথাত॥৫॥
সেহি বেলা অসি দেৱ মাধৱ পাইলন্ত।
নতু উঠা ঘাটে মাত্ৰ নাৱ চপাইলন্ত।
নাৱ আগে চড়িলন্ত তীৰ উঠিবাক।
চৰণৰ আগে নিয়া পেহলাইলন্ত তাক॥৬॥
