এই পৃষ্ঠাটোৰ বৈধকৰণ হৈছে
২৩৮
[৫০অ
শ্ৰীশ্ৰীশঙ্কৰদেৱ-মাধৱদেৱ চৰিত
কৈত আছে বুলিয়া বার্ত্তাও নলৱয়৷৷
নানান বচন আৰো বুলি এহিমত।
পুছিলন্ত গৃহৰ কুশল কথা যত ॥৩৪৷৷
অনন্তৰে বেলি গৈল দেখি দুয়ােজন।
উঠিলন্ত গৃহক যাইবাক ভৈল মন।৷
দেখি দেৱ মাধৱে বােলন্ত হৰিচৰণ।
তুমি ঘৰে যাইবা কৈক যাইবে ৰামচৰণ ॥৩৫৷৷
কিভাল মন্দ মােৰ চাহিলেক আসি।
দেখিলেক নৰাতলি খনে আছো বসি।৷
তুমি সি কুটুম্ব তাৰ মই নুহিকওঁ।
ন মানে আপােন মােক আশয় পাই লওঁ ॥৩৬৷৷
তুমি যায়াে বােপা ৰামচৰণ থাকোক।
কেন ভাল মন্দে আছোঁ আমাক দেখােক।৷
এহি বুলি ৰামচৰণক ৰাখিলন্ত।
গৃহক লাগিয়া হৰিচৰণ গৈলন্ত ॥৩৭৷৷
ঘৰক আসিয়া অন্ন ভােজন কৰাই।
অনেক প্রকাৰে তাঙ্ক বুলিলা বুজাই৷৷
বুঢ়া ভৈলো আমি আবে সঙ্গ ন ছাৰিবি।
নাপৰা পৰিলে মােক পানী ভাত দিবি ॥৩৮৷৷
তােৰ পিতৃ ৰামদাস মহা উপকাৰী।
তাৰ গুণ জানা আমি শুজিবে নপাৰি।৷
তাহান প্রসাদে শঙ্কৰৰ পাইলাে সঙ্গ।
তান লগে থাকিবাক মনে মহাৰঙ্গ ॥৩৯৷৷
