এই পৃষ্ঠাটোৰ বৈধকৰণ হৈছে
২৩৪
[৫০অ
শ্ৰীশ্ৰীশঙ্কৰদেৱ-মাধৱদেৱ চৰিত
নমাৰিবো বুলি কৰিলন্ত অঙ্গীকাৰ ॥১৩৷৷
যদ্যপি ভাগিন মাৰিবাক যোগ্য নয়।
মাৰোঁ পঢ়িবাৰ হেতু দোষে নপাৱয়।৷
পঢ়াইলা মাধৱদেৱে ৰামচৰণক ;
পাৰিলা পঢ়িবে ভাল পদ পয়াৰক ॥১৪।৷
ৰত্নাৱলী ৰত্নাকৰ আদি গ্রন্থ যত।
উন্নীকৃত্য ভৈল আনাে শাস্ত্ৰত পাৰ্গত।৷
শিখাইলন্ত কায়স্থিকা বৃত্তি সমস্তয়।
অদ্ভুত লেখক ভৈলন্ত মহাশয় ॥১৫৷৷
—স্থানত্যাগ—
আছস্ত মাধৱদেৱ এহিমতে তথা।
আত অনন্তৰে শুনা যেন ভৈল কথা৷৷
আসে ছোট দেৱানৰ বৰপেটা থানে।
মস্তৰুকা কানাই বৰদেৱলীয়া সনে॥১৬৷৷
দেখি হৰিগুৰু ৰামদাস সমে দুই।
ভুশুংৰীক লাগি গুছি গৈলা ভয় হুই।৷
সুন্দৰী দিয়াক লাগি সােহি সময়ত।
আইলা বৰপেটা হন্তে মাধৱে পাছত ৷৷১৭৷৷
আছন্ত মাধৱদেৱ সুন্দৰী দিয়াত।
শুনা যেন ভৈল তথা সােহি সময়ত৷৷
শঙ্কৰদেৱৰ ছােট বেটা হৰিচৰণ।
বায়ুধিক ভৈল যেন বিশ্রুতি লক্ষণ ॥১৮৷৷
