এই পৃষ্ঠাটোৰ বৈধকৰণ হৈছে
২৩২
[৫০অ
শ্ৰীশ্ৰীশঙ্কৰদেৱ-মাধৱদেৱ চৰিত
—ৰামানন্দৰ মৃত্যু—
ভক্তবর্গ সমে তথা গৈলন্ত মাধৱ ।
ভৈলা মহা আনন্দ কীৰ্ত্তন মহােৎসৱ৷৷
ৰামানন্দ ঠাকুৰে সপিণ্ডি কৰি আছে ।
গৈলন্ত বৈকুণ্ঠ আঠ দশ দিন পাছে ॥৩৷৷
দেখিয়া সবাৰো মনে বিষাদ মিলিল।
ৰাম-ৰাম গুৰু আদি সমস্তে কান্দিল৷৷
মাধৱে বিষাদ আতি কৰিলা মনত।
শুনা যেন কথা ভৈল তাহাৰ পাছত ॥৪৷৷
—ৰামচৰণ ঠাকুৰৰ বিদ্যাভ্যাস—
মাধৱ দেৱৰ বহিনাই ৰামদাস ।
আছা এক চতালে দুই হন্ত কৰি বাস।৷
ৰামদাস সুত ৰামচৰণ নিশ্চয়।
মাধৱদেৱৰ তেন্তে ভাগিন হােৱয়॥৫৷৷
পঢ়ান্ত মাধৱদেৱে মহা ৰঙ্গ মনে।
ফলা সমস্তক পঢ়িলন্ত অল্প দিনে।
পঢ়াইলন্ত নাম খড়ি সমস্তে পঢ়িলা।
অনন্তৰে সন্ধি শব্দ পাঠ বৃত্তি দিলা॥৬৷৷
পঢ়িলন্ত সন্ধিবৃত্তি ন্যায় দুই খান।
দিনেক মাধৱ গৈলা পাটবাউসী থান৷৷
গৈলা ৰামচৰণ নপঢ়ি উমলিবে৷
নাসিলন্ত ঘৰক গধূলি ভৈল যেবে ॥৭॥
