এই পৃষ্ঠাটোৰ বৈধকৰণ হৈছে
৪৭অ]
২১৫
শ্ৰীশ্ৰীশঙ্কৰদেৱ-মাধৱদেৱ চৰিত
—ৰামদাসৰ লগত—
ৰামদাস মাধৱ দেৱৰ বহিনাই ।
পাটবাউনীত থাকা ভাটিবেলা যাই ॥২॥
প্রতিদিনে পঢ়া একাদশ পুথিখান।
দামোদৰ গুৰু যাই বসা তানে থান ॥
কোৰখান পেলাই তাৰ নালত বসন্ত।
দেখি ৰামদাসে তাঙ্ক পিৰাখান দেন্ত ॥৩৷৷
পুছন্ত সাদৰ কৰি শুনিয়াে আতাই।
কহিয়ােক কি কামে আসিলা মােৰ ঠাই।৷
তেঁহে কহিলন্ত অন্য একো কাম নাই।
কৃষ্ণ কথা শুনিতে আসিলাে তযু ঠাই ॥৪।৷
সজ সজ বুলি তেঁহে পঢ়া পুথিখান
এহি মতে নিতে যান্ত কতো দিনমান।৷
একদিন তাঙ্ক বুলিলন্ত ৰামদাসে।
কথা শুনিবাক লাগি আসা মােৰ পাশে ॥৫৷৷
মই কিবা কৃষ্ণ কথা কহিবো তােমাত -
কিবা বােধ পাইবা বাপু তুমিয়াে আমাত॥
কথা শুনিবাক যদি তযু মনে আশ।
যাইবা বাপু তেবে তুমি শঙ্কৰৰ পাশ ॥৬৷৷
—শঙ্কৰ দেৱৰ আগত—
হেন শুনি তেঁহে কোৰখান কান্ধে লই।
ভূই কুৰিবাক যান্ত প্রতিদিনে গই।৷
