এই পৃষ্ঠাটোৰ বৈধকৰণ হৈছে
৩৮ অ]
১৬৯
শ্ৰীশ্ৰীশঙ্কৰদেৱ-মাধৱদেৱ চৰিত
ভিতৰক যাইতে জগন্নাথ দেখিবাৰ।
একো নেদেখয় দেখে ঘোৰ অন্ধকাৰ॥২২॥
বাজই আসন্তে সিটো সমস্তে দেখয়।
জগন্নাথ দৰ্শনক নপাই দুৰাশয়।
বোলে ব্ৰহ্মবধ দিয়া জগন্নাথত।
মৰিবো শুনিয়া জগন্নাথে হেন মত॥২৩॥
পাণ্ডাৰ আগত পাছে কহিলা বচন।
কিসক আমাত বধ দেই অকাৰণ॥
মোক এৰি যাহাক পূজিল দূৰাশয়।
মোত নাই বধ, বধ তাহাতে লাগায়॥২৪॥
—ব্যাসকলাইৰ মৃত্যু—
বিয়াসকলাইত পাণ্ডা কহিল এতেক।
শুনি কান্দি সিটো তৈতে ৰহিলেক॥
কতদিন আছি পুনু গৃহক চলিল।
তিনদিন পথ আসি তহিতে মৰিল॥২৫॥
যিপথে মৰিল জানা বিয়াস কলাই।
সিপথে আজিও জানা যাতিৰী নযায়।
জগন্নাথে মানা কৰিলন্ত সমস্তত।
মোৰ থানে ইপথে নাসিব লোক যত॥২৬॥
—পৰিণতি—
তাৰ পৰা সিপিথে ন যায় একো নৰ।
নাহি আৰ মহাপাপী আন আত পৰ॥
