পৃষ্ঠা:চৰিত- দৈত্যাৰি ঠাকুৰ.pdf/১৮৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
১৫৬
৩৫ অ
শ্ৰীশ্ৰীশঙ্কৰদেৱ-মাধৱদেৱ চৰিত

শঙ্কৰে বোলন্ত  ইমত বেশক
 ধৰিলা তোৰা কিসক।
তেবেসে ভ্ৰমিবে  পাৰিয়া বুলিয়া
 তাৰা সবে কহিলেক॥৩৯॥
ৰঙ্গা বস্ত্ৰ দণ্ড কমণ্ডলু দেখি
 লোকেও কৰে সৎকাৰ।
ইমত বেশক নধৰিলে পুনু
 নি মিলে জানা আহাৰ॥৪০॥
এহিসে কাৰণে ইমত বেশক
 আমি সবে ধৰিছয়।
কিন্তু আত পুনু বিশ্বাস নাহিক
 জানিবা আক নিশ্চয়॥৪১॥
পাছে দুইতো দুই  কৰিয়া বিদায়
 দুয়োজন লৰি গৈল।
আৰো কতোদিনে  বৈলা একথানে
 শুনা তৈত যেন ভৈল॥৪২॥

—পোহাৰী বুঢ়ীৰ আঠ আনা—

একেশ্বৰে এক-  -বুঢ়ী আছে তৈত
 পসাৰ খানি দিয়য়।
মাধৱে বেসাতি কিনিবাক গৈলা
 ভেলা তাৰ ভাগ্যোদয়॥৪৩॥
কৈৰ পৰা তোৰা  আসি আছা বাপু
 বুলিয়া বুঢ়ী পুছিলা।