এই পৃষ্ঠাটোৰ বৈধকৰণ হৈছে
১৫০
[ ৩৫ অ
শ্ৰীশ্ৰীশঙ্কৰদেৱ-মাধৱদেৱ চৰিত
আমাৰ খছম দুৰ্ভাগী পৰম।
তোৰাক নপাইলে লাগ॥
এহি পাগ মাথে লৈলে পাইবে ধুলা
মিলিবে তাহাৰো ভাগ॥৮॥
কাৰুণ্য বচন শুনিয়া তাহান
শঙ্কৰে বোলে চাহিয়া।
প্ৰথমে পাগৰ উপৰত ভৰি
ৰাম-ৰাম গুৰু দিয়া॥৯॥
বোলন্ত গুৰুৱে দিয়ো তোমৰায়ে
কিয় পাৱ দিবো আমি।
অন্যাঅন্য় কৰি দুইহন্তো বোলন্ত
আগে পাৱ দিয়া তুমি॥১০॥
শঙ্কৰে বোলন্ত ৰাম-ৰাম গুৰু
পাগত পাৱ নেদিল।
সকৰুণ মনে শঙ্কৰে চৰণে
সিটো পাগ পৰশিল॥ ১১॥
কবীৰ নাতিনী, গুৱা পান আনি
তাৰা সকলক দিল।
অনেক সাদৰি আই জানু পাৰি
প্ৰেম মনে প্ৰণামিল॥ ১২॥
যিমতে পাগৰ ধূলা নপড়য়
ভাজ কৰি চপাই নিল।
তাৰা সবো তাঙ্ক মধুৰ বচনে
