এই পৃষ্ঠাটোৰ বৈধকৰণ হৈছে
ঊনত্ৰিংশ অধ্যায়
—মাধৱদেৱৰ মনোবল—
কতোদিন মন বেহাৰত আছিলন্ত
পুনৰপি বৰপেটা লাগি আসিলন্ত॥
কতোদিনে আছা বৰপেটাত হৰিষে।
থাকন্ত মাধৱদেৱ সঙ্গে অহনিশে॥১॥
আনো ভক্ত সব যত থাকন্ত সতত।
কৃষ্ণ কথা শুনি সদা আনন্দ মনত॥
দিনেক শঙ্কৰদেৱ ভক্ত সমে বসি।
আছন্তে বোলন্ত দেৱ মাধৱক হাসি॥২॥
মোৰ আগে মাধৱ কহিয়ো নিষ্ঠ বাক।
মই যিবা কৰো তুমি কৰিবাহা তাক॥
মাধৱে বোলন্ত বাক্য সমস্তে কৰিম।
একগুটি বাক্য মাত্ৰ বাপ ন কৰিম॥৩॥
হাসি তুলি শঙ্কৰে বোলন্ত যাক আমি।
বোলও মাধৱ তাক ন কৰিবা তুমি॥
পুনৰপি মাধৱে বোলন্ত মনে গুণি।
মোহৰ মনৰ কথা জানিছা আপুনি॥৪॥
—মাধৱক বিয়া কৰিবলৈ আদেশ—
শঙ্কৰে বোলন্ত বিহা কৰিছো মাধৱ।
আমাৰ মনত তেবে মিলয় উৎসৱ॥
