পৃষ্ঠা:চৰিত- দৈত্যাৰি ঠাকুৰ.pdf/১৩৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২৬ অ ]
১০৯
শ্ৰীশ্ৰীশঙ্কৰদেৱ-মাধৱদেৱ চৰিত


সেহি সময়ত তেঁহে দিলা হাতবাৱ॥
দেখিয়া অসমে ঘাৱ মাৰি কাটিলেক।
কটা মূৰে তিনিবাৰ ৰাম বুলিলেক॥১২॥
কান্দন্তে মাধৱদেৱ গৈলন্ত উলটি।
শঙ্কৰদেৱৰ আগে কহিলা প্ৰকটি॥
যেন মতে মাধৱদেৱক এৰি দিল
যেনমতে শঙ্কৰৰ জমাইক কাটিল॥১৩॥
যেনমতে তাঙ্ক নাম সুমৰাইলা তথা॥
যেনমতে ৰাম বুলিলে কটা মাথা॥
শুনিয়া শঙ্কৰদেৱে বিষাদ কৰিল।
মাধৱ যাইবাৰ দেখি হৰিষ মিলিল॥১৪॥

সপ্তবিংশ অধ্যায়

 —শ্ৰাদ্ধ নিযেধৰ গোচৰ—
অনন্তৰে যেন ভৈল তাক শুনিয়োক।
অসম ৰজাত লগাইলেক বিপ্ৰলোক॥
শূদ্ৰ এক গোটা নাম শঙ্কৰ আছয়।
শ্ৰাদ্ধ বিধি কৰিবাক লোকক নেদয়॥১॥
পাষণ্ড আচাৰে ৰাজ্য নষ্ট কৰিলেক।
নিৰন্তৰে লোকে ধৰ্ম্ম কৰ্ম্ম এৰিলেক॥