এই পৃষ্ঠাটোৰ বৈধকৰণ হৈছে
১০২
[ ২৪ অ
শ্ৰীশ্ৰীশঙ্কৰদেৱ-মাধৱদেৱ চৰিত
শুনিয়া শঙ্কৰদেৱে হাসি মাতিলন্ত তাঙ্কে
মোৰ আই ভাল বুলিলাহা৷
মাধৱ বান্ধৱ হুই কেমনে জানিলি তই
এহি বুলি বাজই গৈলাহা॥২২॥
মাধৱ সহিতে তথা কহি নানা কৃষ্ণ কথা
থাকন্ত শঙ্কৰ ৰঙ্গ মনে।
ইটো কথা অনুপাম কহিয়োক অবিশ্ৰাম
শঙ্কৰ মাধৱ বোলা ঘনে॥২৩॥
পঞ্চবিংশ অধ্যায়
মাধৱদেৱ আৰু ৰামদাসৰ শিলাবৃষ্টিত কষ্ট
আত অনন্তৰে সামাজিক লোক শুনা৷
যিমত বৃত্তান্ত ভৈল আৰো এক দিন॥
মাধৱদেৱৰ বহিনাই ৰামদাস।
ভূঁই নিৰাইবাক গৈলা মনত উল্লাস॥১॥
ভাটিবেলা মাধৱদেৱৰো মন ভৈল।
খেতি চাহিবাক বুলি পথাৰক গৈল॥
চাহিলন্ত খেতি চতুৰ্ভিতি ফুৰি ফুৰি।
নিৰাইবে লাগিলা— ভূঁই কাচিখান ধৰি॥২॥
কতোক্ষণে ভূই নিৰাৱন্ত দুয়োজন।
সেহিবেলা আসিলেক শিলা বৰিষণ॥
