এই পৃষ্ঠাটোৰ বৈধকৰণ হৈছে
৯৪
[ ২২ অ
শ্ৰীশ্ৰীশঙ্কৰদেৱ-মাধৱদেৱ চৰিত
দেখিয়া মাধৱদেৱ গৈলা শীঘ্ৰ কৰি।
বুলিলন্ত কি কৰস হাতে তান ধৰি॥২৬॥
পাগল ভৈলা কি হেৰা মোৰ ভিতি চাউ।
মাৰোক তাৰায়ে তই প্ৰসাদ বিলাউ॥
মাৰিবে আমৰা যদি ক্ষমিবে পাৰিলো৷
তেবে আমি মহন্তৰ স্বভাৱে বহিলো॥২৭॥
যদিবা মাৰিলে তই ক্ষমা নকৰস।
তিনিও জনক তই অকলে পাৰস॥
আৰো তাতে সহায় ভৈলন্ত দেখ তই।
তোক কি মাৰন্তে চাহি থাকিবোহোঁ মই॥২৮॥
বিলাউ প্ৰসাদ ভয় নকৰিবি মনে।
হেন শুনি লাজিল তাহাৰ তিনিজনে॥
এহি কথা শঙ্কৰ দেৱত কহিলন্ত।
আনবেলা আগে দিবা তাবাকে বোলন্ত॥২৯॥
পুনৰপি কীৰ্ত্তন আৱৰ দিনা ভৈল।
সব লোকে কীৰ্ত্তন কৰিবে প্ৰতি গৈল॥
সিদিনা শঙ্কৰদেৱে গৈলন্ত আপুনি।
সেহি সভামধ্যক গৈলন্ত তৰা তিনি॥৩০॥
চক্ষুঠাৰে অনুমতি শঙ্কৰে দিলন্ত৷
ব্ৰাহ্মণক নেদি দিবে তাৰাক দিলন্ত॥
নলৱয় তাৰা বোলে দিয়া ব্ৰাহ্মণক।
বোলন্ত শঙ্কৰদেৱে লৈয়োক লৈয়োক॥৩১॥
আগে নপাই তোৰা কৰা অসন্তোষ৷
