এই পৃষ্ঠাটোৰ বৈধকৰণ হৈছে
৩
শিৱসাগৰ দৰ্শন
ক্ষত্ৰিয় জাতিৰ সঙ্গলৈ খালে
নাযায় জাত কাৰো যে শাস্ত্ৰ উক্তি।
আহোমেও শেহে নানা ধৰ্ম্ম পাতি
নানা গুৰুৰ নানা মত ধৰি
বীৰত্ব ধৰ্ম কৰি পৰিত্যাগ
পেলালে নিজ শক্তি কণ মাৰি।
দেখি শিৱসাগৰৰ প্ৰাচীন কীৰিতি
আসাম যশস্যা বীৰত্ব প্ৰকাশ
চাবলৈ আন ঠাই গৈ যতবোৰ
উচতালে মনে কৰি অভিলাষ।
ই কাৰণে আজি অতি ব্যগ্ৰ হলোঁ
চাবলৈ যত কীৰ্ত্তি অতীতৰ,
দেখি দিখৌ নদী খনি প্ৰথমতে
মনে মোক ক’লে পৰা ভিতৰৰ
সোধোছোঁ দিখৌক সাক্ষী ই দেশৰ,
জানিছোঁ নাভাড়েঁ সুধিলে কদাপি,
কিহে নিলে কাঢ়ি শক্তি আসামৰ
আছিল এদিনা যি মহা প্ৰতাপী?
সুধিলোঁ দিখৌক ইনাই বিনাই,
কোৱাঁ প্ৰবাহিনী হেৰাঁ মোক কোৱাঁ
শোকৰ-চকুলোৰে তুমি বৈছাঁনে?
যদি হয় তেন্তে মোৰ লগ লোৱাঁ।
