এই পৃষ্ঠাটোৰ বৈধকৰণ হৈছে
২৩
সন্ধ্যাৰ চিন্তা
নহয় ই যুক্ত ৰক্তপাত কাম
নৰহত্যা কৰা পাষণ্ডৰ ৰণ
কৃষ্ণ, বুদ্ধ, যিছুৰ প্ৰেম ধৰম
কৰিবলৈ ধৰা স্বৰ্গৰ তুলন।
জনম মৰণ বিধিৰ বিধান
আত্মাৰ মৰণ জানা নহয়,
দুখ গুচাবলৈ যুজ কৰিবলৈ
কিয়নো কৰিবা তুমিনোহে ভয়।
ভীৰু কাপুৰুষ নহয় মনুষ্য
ধৰ্ম্মহীন সিটো পৰম অধম
মানুহ ভিতৰ নহয় লেখৰ
স্বদেশ উন্নতি সধাৰ অক্ষম।
ভীৰুয়ে নোখোজে প্ৰেমৰ ভঁড়াল
হব খোজে ধনৰহে অধিকাৰী,
হৃদয় নিষ্ঠুৰ বৰ সুদ খোৱা
নহয় সি লোক দেশ উপকাৰী।
কাপুৰুষ লক্ষণ দেশ-দ্ৰোহিতা
ধনৰ লোভত টুটকীয়া ভাও
দি কৰে পাষণ্ডে ৰাজৰ অনিষ্ট
নুমায় কাললৈ স্বদেশৰ নাও।
