এই পৃষ্ঠাটোৰ মুদ্ৰণ সংশোধন কৰা হৈছে
ৰংপুৰ দৰ্শন
কোনে কথা কয় হুমুনিয়াঃ কাঢ়ি
“এবাৰ মোলৈ বাটৰুয়া হেৰ চা
হেৰাই সকলো আছোঁ মন মাৰি
লাজ বিষাদত লুকাই মোৰ গা”।
ইপিনে সিপিনে চাওঁ চাৰি পিনে
কোনে কয় কথা হুমুনিয়াঃ কাঢ়ি
নেদেখোঁ একোকে কথা শুনা বিনে
“আছোঁ মই পৰি অপুত্ৰকা নাৰী”।
আকৌ ঘুৰি শুনো কন্দা গুণ গুণ
নেপাওঁ কাকোছোঁ কিন্তু হায় দেখা
উলটি “বাটৰুৱা” মাতে “শুন শুন”
“নকৰিবা তুমি মোকহে উপেক্ষা”।
“এই পিনে চোৱাঁ আছোঁহো লুকাই
আসাম গৌৰৱ অস্ত লক্ষ্মা মই
এই আসামৰ যশস্যা ঠাই
হেৰাই স্বাধীনতা বিৱস্ত্ৰা হই।
ক’ৰ পৰা আহিছ নাজানো তোক
আছে যদি দেখহি হৃদয় তোৰ
দুৰ্দ্দশাই কেনেকৈ ৰাখিছে যে মোক
দেখ শোক লগা কীৰ্ত্তি চিহ্ন মোৰ”।