এই পৃষ্ঠাটোৰ বৈধকৰণ হৈছে
অষ্টম দর্শন।
[ ডিঙা নগৰৰ ৰজাৰ ঘাট।]
চিকৰপতিয়ে ডাঙৰীয়া অহাদি আহি
ঘাটত বৰকলি সরুকলি নাও বান্ধিছে।
নিকৰ্ পতি বৰচোৰৰ প্রবেশ!
নিকৰ্ পতি। ( চিকৰপতিক) ডাঙৰীয়া, আপােনাসকল কৰ
মানুহ, কলৈ যায় ?
চিকৰপতি। আমি উজনিৰ চিকুণপুৰৰপৰা আহিছোঁ; তীর্থ
কৰিবলৈ যামহঁক। মই চিকুণপুৰৰ ৰজাৰ উজিৰ।
নিকৰ্ পতি। এই ঘাটত আপুনি নাও বান্ধি ভাল নকৰিলে
হবলা। ইয়াত বৰ অসুবিধা পাব। বিশেষত, এই ৰাজ্যত
নিকৰপতি নামে বৰ চোৰ এটা আছে; সি আপােনালােকৰ
গম পালেই, আজি ৰাতিয়েই আহি আপােনালােকৰ নাও
দুখন লুটিপুটি লৈ গুচি যাবহি। আপুনি আরু এটা পাক
ভটীয়াই গৈ মােৰ ঘাটত নাও দুখন বান্ধিলে ভাল ।
