হুকুম পেলাবৰ মােৰ সাইধ কি। দেউতাই হুকুম দিলে
বেটীয়ে নাচিবই লাগিব। মােৰ লৰাই গল, আরু নো
মােৰ কি লাজ-চৰম আছে !
বৰবরুৱা। টেকেলা! এই গুচৰীয়ানীক হাত-কেৰেয়া দি লৈ
যা, পােতাশালত থ গৈ। তাইৰ গােচৰ মিছা। তাই
নিজেই তাইৰ লৰা কাটিছে। তাই মিছা গােচৰ কৰা
বাবে, আৰু পুতেকক কটা বাবে পিছত তাইৰ শোধ হব।
চিৰদ্দাৰ, ইয়াৰ পিছৰ গােচৰ কি ?
চিৰদ্দাৰ। (টেকেলাক ) মাত, ৰঙাই কোচ ফৰিয়াদি। খুদমন
কেওঁট আচামী।
টেকেলা। ( ৰিঙিয়াই ) খুদমন কেওট ফৰিয়াজি হাজিৰ !
চিৰদ্দাৰ। খুদমন নহয়, ৰঙাই কোচ ফৰিয়াদি।
টেকেলা। খুদমন নহয়, ৰঙাই কোচ ফৰিয়াজি হাজিৰ ! খুদ
মন নহয় ৰঙাই কোচ ফৰিয়াজি হাজিৰ ! খুদমন! খুদমন
নহয় ৰঙাই কোচ ফৰিয়াজি হাজিৰ !!!
চিৰদ্দাৰ। আচামীক মাত।
টেকেলা। ( ৰিঙিয়াই) আচামী হাজিৰ । আচামী হাজিৰ !
চিৰদ্দাৰ। (টেকেলাক বৰকৈ ডবিয়াই ) তই বৰ গরু। এনে
কৰিলে তােক বৰখাস্ত কৰিব লাগিব।
টেকেলা। দেউতা, নামটো আকৌ কৈ দিয়ক, বন্দীয়ে পাহ-
ৰিলোঁ৷
চিৰদ্দাৰ। খুদমন আচামী।