এই পৃষ্ঠাটোৰ মুদ্ৰণ সংশোধন কৰা হৈছে
২১
চণ্ডিকাখ্যান ৷
শয্যা পৰিহৰি, উঠিলা শ্ৰীহৰি,
ধাইলা অসুৰ প্রতি ।
মহা বলৱন্ত, দৈত্য দুই গোট,
ভৈলাহা নিকটে স্থিতি ॥
যুজিলা মাধব, ভকত বান্ধব;
দৈত্যক লগাই চমক ।
একার্ণব জল, নাই কৈতোস্থল,
ব্ৰক্ষ্মাণ্ড ভৈল খলক ॥
ক্ষয় নোহেবল, দুই দানবৰ,
পৰাজয় নাহি মানে ৷
পৰম বিস্ময়, দেব দয়াময়,
অদ্ভুত মানিলা মনে ॥
প্রচণ্ড বিক্ৰমে, দেব নাৰায়ণে,
হাজাৰ পঞ্চ বৰিষ ৷
বাহু প্রহৰণ, কৰে মহাৰণ,
নভৈলা অসুৰ নাশ ॥
পাছে ভগবতী, বিষ্ণুক-আদৰি,
মুহিলা অখুৰ মন ।
দেবী মায়া মুগ্ধ, অখুৰ প্রচণ্ড;
বুলিলা এহি বচন ॥
