পৃষ্ঠা:গৃহ-লক্ষ্মী.pdf/১২

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে

[৩]

পাচৰ পৰা ক্ৰমান্বয়ে এইবিলাক শিকাবই লাগিছোঁ, তোমাৰ একো মনত নেথাকিল নে? নহয়, নহয়; dear, you don't love me. তোমাক কত যত্ন কৰিও যেতিয়া আজিলৈকে এক peg whisky খুৱাব নোৱাৰিলোঁ, তেনেহ'লে reformation অবেই বা আশা কত?

গো— প্ৰভু, মই নিচেই মূৰ্খ। মোক ভালকৈ কথাবিলাক শিকাওক, আপুনি যিহকে ভাল পাই তাকে কৰিম। কিন্তু প্ৰভু, বেয়া বস্তুবিলাক খাবলৈ মোক নধৰিব। মোৰ মূৰ্ত্তিমন্তী ভগৱতীৰ নিচিনা শাহু, দেৱতাৰ নিচিনা শহুৰৰ কুলত, মোৰ ধৰ্ম্মপ্ৰাণ পিতৃকুলত এনে অধৰ্ম্ম কোনেও কৰা নাই। এনে কথা কৰি দুয়ো কুল নৰকত পেলাবলৈ নক'ব। আপনি মতা মানুহ, আপোনাৰ কিবা অভ্যাস থাকিলেও সিমান দোষণীয় নহব পাৰে, কিন্তু ঘৰৰ তিৰোতাই তেনেবোৰ আচৰণ কৰিলে ঘৰ যে নৰক হব, প্ৰভু।

হৰি—Hopeless, hopeless আকৌ সেইবোৰ superstitious কথা, আকৌ সেইবোৰ useless nonsense “আমাৰ সাধ না মিটিল, আশা না পূৰিল"।

(বাহিৰৰ পৰা হীৰালাল—“হৰি ঘৰত আছানে?”)

হৰি— আছোঁ, আহাঁ। গোলাপী, বন্ধু হীৰালাল আহিছে তুমি এতিয়া যোৱাঁ। "Let Hira in, let life